ភ្នំពេញ៖ ក្រសួងអប់រំ យុវជន និងកីឡា បានចេញមុខវិជ្ជា និងកាលវិភាគប្រឡងសញ្ញាបត្រមធ្យមសិក្សាទុតិយភូមិ នៅថ្ងៃទី០៥-០៦ ខែធ្នូ ឆ្នាំ២០២២ សម្រាប់ថ្នាក់វិទ្យាសាស្ត្រ និងថ្នាក់វិទ្យាសាស្ត្រសង្គម។

សូមពិនិត្យមើលតារាងកាលវិភាគប្រឡងលើវិញ្ញាសាប្រឡងបាក់ឌុបឆ្នាំនេះនៅខាងក្រោម៖

សូមរំលឹកថា ការប្រឡងបាក់ឌុបឆ្នាំ២០២១ មានបេក្ខជនប្រឡងជាប់ចំនួន ៧២០១៦នាក់ ស្មើនឹង ៦៥,៦៥ភាគរយ ក្នុងនោះជាប់និទ្ទេស A ចំនួន ១៧៥៣នាក់, និទ្ទេស B ចំនួន ៥២១៥នាក់, និទ្ទេស C ចំនួន ១១៦៣៤នាក់, និទ្ទេស D ចំនួន ២៣៤៩៩នាក់ និងនិទ្ទេស E ចំនួន ២៩៩១៥នាក់។

ចំនួនបេក្ខជនដែលជាប់បាក់ឌុបនៅឆ្នាំ២០២១ បើធៀបនឹងឆ្នាំ២០១៩ គឺមានការកើនឡើង ដែលឆ្នាំ២០១៩ មានអ្នកជាប់និទ្ទេស A ចំនួន ៤៤៣នាក់, និទ្ទេស B ចំនួន ២៤៣០នាក់, និទ្ទេស C ចំនួន ៥៨៤៧នាក់, និទ្ទេស D ចំនួន ១៤១០០នាក់ និងនិទ្ទេស E ចំនួន ៥៦២៣២នាក់៕